ဝက်တုပ်ကွေးလူနာကို ဆေးရုံမှ ဆင်းခွင့်ပေးတော့မည်

သတင္း - က်န္းမာေရး သတင်းရင်းမြစ် > လြတ္လပ္တဲ့ အာရွအသံ အင်္ဂါနေ့၊ ဂျူလိုင်လ ၇ ရက် ၂၀၀၉ ခုနှစ်

PDF ဖိုင်ရယူရန် Array ပရင့်ထုတ်ရန် Array အီးမေးလ်ပို့ရန်

မြန်မာပြည်တွင် ဝက်တုပ်ကွေးရောဂါ ဖြစ်ပွားသော သတင်း ထွက်ပေါ်လာပြီးနောက် ဇွန်လ ၃ဝရက်နေ့က ရန်ကုန်မြို့၊ ဒဂုံမြို့နယ်ရှိ ကျောင်းတခုတွင် နှာခေါင်းစည်း အကာအကွယ် တပ်ဆင်ထားသော ကျောင်းသားနှင့် မိဘအချို့ကို တွေ့ရပုံ ဖြစ်ပါသည်။ (Photo: AFP)

မြန်မာနိုင်ငံမှာ ဝက်တုပ်ကွေးရောဂါ ပထမဆုံး ကူးစက်ဖြစ်ပွားနေတဲ့ အသက် ၁၃ နှစ်အရွယ် မိန်းကလေးငယ်ရဲ့ အခြေအနေဟာ သက်သာနေတာကြောင့် မကြာခင်ရက်ပိုင်းအတွင်း ဆေးရုံက ဆင်းခွင့်ပေးတော့မှာ ဖြစ်တဲ့အပြင်၊ အဲဒီ မိန်းကလေးနဲ့ ထိတွေ့မှုကြောင့် အထူး ကြပ်မတ် စောင့်ကြည့်နေတဲ့ လူ ၃ဝကျော်ကိုလည်း ဇူလိုင် ၆ရက် မနေ့ကပဲ ဆေးရုံက ဆင်းခွင့်ပေးလိုက်တယ်လို့ မြန်မာနိုင်ငံ ကျန်းမာရေး ညွှန်ကြားရေးမှူးချုပ် ဒေါက်တာဝင်းမြင့်က RFA ကို ပြောပါတယ်။

ဒေါက်တာဝင်းမြင့်။ ။ 'ဆင်းဖို့ ရက်ပိုင်းလေးပဲ လိုပါတော့တယ်။ နည်းနည်းလေး ဆေးပတ် လည်အောင် စောင့်နေလို့ပါ။ Temperature လည်း normal ပါပဲ။ အားလုံးကောင်းပါတယ်။ မနေ့က အားလုံး ဒီကလေးမလေးနဲ့ ဆက်နွယ်တဲ့ဟာ အားလုံး lift လုပ်လိုက်ပါပြီ။ Surveilance ကနေ lift လုပ်လိုက်ပါပြီ။'

ပထမဆုံး ဝက်တုပ်ကွေးရောဂါ ကူးစက်ခံရသူ မိန်းကလေးဟာ ဇွန်လ ၁၆ရက်နေ့က စင်ကာပူနိုင်ငံကနေ လေကြောင်းခရီးနဲ့ ပြန်လည် ရောက်ရှိလာသူ ဖြစ်ပါတယ်။ ရောဂါကူးစက်ခံထားရကြောင်း ဖော်ထုတ်တွေ့ရှိပြီးနောက် သူမကို ရန်ကုန်ဆေးရုံကြီးမှာ သီးသန့်ခွဲထားပြီး၊ ဆေးကုသခဲ့တယ်လို့ ကျန်းမာရေးအရာရှိတွေက ပြောပါတယ်။ ကျန်မာရေးဌာနအနေနဲ့ ဧပြီလ ၂၈ ရက်နေ့ကစလို့ လေဆိပ်နဲ့ နယ်စပ်ဝင်ပေါက်၊ ထွက်ပေါက်တွေကနေ တုပ်ကွေးရောဂါ ဖြစ်ပွားမှုနဲ့ ပတ်သက်လို့ လူပေါင်း ၁သန်း ၇သိန်းလောက်ကို စောင့်ကြည့်ခဲ့ရာမှာ ဒီကနေ့အထိ ရောဂါဖြစ်ပွားသူ တဦးပဲ ရှိကြောင်း အတည်ပြု ပြောဆိုပါတယ်။ သတင်းထောက်တဦး အပါအဝင် ရောဂါသံသယရှိသူ ၃၄ ဦးကို မနေ့ကပဲ စောင့်ကြည့်မှုတွေ ရုပ်သိမ်းလိုက်ပြီလို့လည်း ကျန်းမာရေး ညွှန်ကြားရေးမှူးချုပ်က ပြောပါတယ်။

စာဖတ်သူ ထင်မြင်ချက်များ

အသစ်ရေးရန်

ရှာဖွေရန်

RSS