ဘားမား ဗီဂျေ အော်စကာရရန် အလားအလာကောင်း

သတင်း - ပြည်တွင်းသတင်း သတင်းရင်းမြစ် > သဲသဲ သောကြာနေ့၊ ဖေဖေါ်ဝါရီလ ၅ ရက် ၂၀၁၀ ခုနှစ်

PDF ဖိုင်ရယူရန် Array ပရင့်ထုတ်ရန် Array အီးမေးလ်ပို့ရန်

၈၂ ကြိမ်မြောက် အော်စကာ ဆုပေးပွဲ၌ မြန်မာနို်င်ငံတွင် ၂၀၀၇ ခုနှစ်က ဖြစ်ပွားခဲ့သည့် ရွှေဝါရောင် တော်လှန်ရေးကို အဓိက ရိုက်ကူး ထားသော ဘားမား ဗီဂျေ (Burma VJ) မှတ်တမ်း ရုပ်ရှင်ဇာတ်ကား မှာ အကောင်းဆုံး မှတ်တမ်းရုပ်ရှင်ဆု ရရှိရန် အလားအလာ အလွန်ကောင်းမွန် သည်ဟု ခန့်မှန်းပြောဆို နေကြသည်။

[(burmavjmovie.com)] ဒိန်းမတ်နိုင်ငံ ကိုပင်ဟေဂင် အွန်လိုင်း သတင်းစာ၏ အဆိုအရ “ဆန်ခါတင် ၅ ကားမှာ ဒီ ဘားမား ဗီဂျေက အကောင်းဆုံး မှတ်တမ်း ရုပ်ရှင်ဆုရဖို့ အကောင်းဆုံး အနေအထားမှာ ရှိတယ်”ဟု ရုပ်ရှင် အကဲခတ်များမှ ခန့်မှန်း ပြောဆိုနေ ကြသည်ဟု ရေးသားဖော်ပြ ခဲ့သည်။

ယခုနှစ် အော်စကာ ဆုပေးပွဲ အခမ်းအနားကို လာမည့် မတ်လ ၇ ရက်နေ့တွင် ကျင်းပမည် ဖြစ်သည်။

အဆိုပါ မှတ်တမ်း ရုပ်ရှင် ဇာတ်ကားမှာ၂၀၀၇ ခုနှစ်တွင် ဖြစ်ပွားခဲ့သည့် ရွှေဝါရောင် တော်လှန််ရေးမှ သံဃာတော်များနှင့် လူထုအုံကြွမှုများ၊ စစ်အစိုးရ၏ ပြင်းထန်စွာ နှိပ်ကွပ်မှုများကို နိုင်ငံတကာမှ သိမြင်လာစေရန် သတင်းပေးပို့ ခဲ့သည့် ပြည်တွင်းမှ ဗီဒီယို သတင်းထောက်များ အကြောင်းကို ဒိန်းမတ်လူမျိုး ဒါရိုက်တာ Anders Ostergaard က ရိုက်ကူးထားခြင်း ဖြစ်သည်။

ဆန်ခါတင် မှတ်တမ်း ရုပ်ရှင် ဇာတ်ကားများမှာ ဗားမား ဗီဂျေ အပါအဝင် The Cave ၊ Food, Inc . ၊ The Most Dangerous Man in America: Daniel Ellsberg and the Pentagon Papers ၊ Which Way Home စသည့် ဇာတ်ကားများ ဖြစ်သည်။

အော်စကာ ဆုပေးပွဲတွင် တခြားသော အကောင်းဆုံး ရုပ်ရှင်ဆု အဖြစ် ဒါရိုက်တာ ဂျိမ်းစ်ကင်မရွန် ရိုက်ကူးသည့် Avatar ၊ The Blind Side ၊ District 9 ၊An Educationစသည့် ဇာတ်ကား အပါအဝင် ၁၀ ကားထဲမှ Avatar ဇာတ်ကားမှာ ထင်ကြေးပေး အခံရဆုံးဖြစ်သည်။

အကောင်းဆုံးအမျိုးသား သရုပ်ဆောင်ဆုများကို Crazy Heart ဇာတ်ကားမှ Jeff Bridges ၊ Up in the Air ဇာတ်ကားတွင် George Clooney ၊ Colin Firth၊ Morgan Freeman ၊ Jeremy Renner စသည်တို့အား ဆန်ခါတင် ရွေးချယ်ထားကြောင်း သိရသည်။

ဆန်ခါတင် အကောင်းဆုံးအမျိုးသမီးသရုပ်ဆောင်များမှာ Sandra Bullock ၊ Helen Mirren စသည်တို့ဖြစ်ကြသည်။

စာဖတ်သူ ထင်မြင်ချက်များ

အသစ်ရေးရန်

ရှာဖွေရန်

RSS